रात्री-अपरात्री उठून खाता? 'हा' आजार असू शकतो - BEED NEWS | I LOVE BEED

BEED NEWS | I LOVE BEED

BEED NEWS , JOBS NOKARI, HELTH CARE, SELFCARE, LIFESTYLE

Breaking

Home Top Ad

Post Top Ad

LightBlog

Tuesday, December 3, 2019

रात्री-अपरात्री उठून खाता? 'हा' आजार असू शकतो



तुम्हाला रात्री-अपरात्री उठून खाण्याची सवय आहे? रात्री जाग येते तेव्हा तुम्हाला काहीतरी चमचमीत खावंसं वाटतं? तर मग तुम्हाला 'नाइट इटिंग सिंड्रोम' असू शकतो. नाइट इटिंग सिंड्रोम काय असतो? आणि तो कशाप्रकारे तुम्ही आटोक्यात आणू शकता, याविषयी...

नाइट इटिंग सिंड्रोम म्हणजे काय?

रात्रीचे जेवण केल्यावरही मध्यरात्री जाग आल्यावर भूक लागणं आणि ठरावीक काळानंतर त्याचं सवयीत रुपांतर होणं, याला 'नाइट इटिंग सिंड्रोम' असं म्हणतात.

वेळीच लक्ष देणं गरजेचं

हल्लीच्या बदललेल्या जीवनशैलीत अवेळी खाणाऱ्यांची संख्या झपाट्यानं वाढत आहे. बऱ्याचदा भूक नसतानाही केवळ सवय आहे म्हणून काही व्यक्ती मध्यरात्री उठून खातात. असं रात्री-अपरात्री उठून खाल्लेल्या अन्नाचं पचन न होता त्याचं रूपांतर थेट कॅलरीमध्ये होऊ शकतं. आरोग्य तज्ज्ञांच्या मते, अवेळी आणि मध्यरात्री उठून खाणं हे तुमच्या आरोग्यासाठी घातक ठरू शकतं. थोड्या काळासाठी गरज म्हणून खात असाल, तर त्याचं रुपांतर सवयीमध्ये होऊन न देणं, हे सर्वस्वी तुमच्या हातात आहे. अशा वेळी आहारतज्ज्ञांचा सल्ला घेणं गरजेचं असतं, कारण मध्यरात्री भूक लागण्यामागे शारीरिक किंवा मानसिक अनेक कारणं असू शकतात. जसं, की मधुमेहाचे रुग्ण असणं, झोपेच्या अनियमित वेळा किंवा झोपेसंबंधित आजार असणं, शर्करा कमी होणं, मानसिक तणाव असणं, शरीरातील संप्रेरकांचं प्रमाण बदलणं इत्यादी. वरील सर्व गोष्टी 'नाइट इटिंग सिंड्रोम' होण्यासाठी कारणीभूत ठरू शकतात.

मध्यरात्री उठून खाण्याचे दुष्परिणाम

० अपचनामुळे पोटात गॅस होणं, जुलाब होणं, बद्धकोष्ठता.

० शरीरात अतिरिक्त चरबीचं प्रमाण वाढणं.

० वजन आटोक्याच्या बाहेर गेल्यानं हृदयविकाराचा धोका वाढणं.

० मध्यरात्री खाल्ल्यानंतर दात स्वच्छ न केल्यास दातांच्या समस्या उद्भवणं.

० रक्तातील अतिरिक्त शर्करा वाढणं.

सवय टाळण्यासाठी काय कराल?

बदलत्या जीवनशैलीमध्ये तुम्हाला तुमचं आरोग्य जपायचं असेल, तर तुम्हाला सर्वप्रथम स्वतःला योग्य वेळी जेवायची सवय लावून घ्यायला हवी. डॉक्टरांच्या मते, मध्यरात्री उठून खाणाऱ्या व्यक्तींपैकी बरेच लोक हे भुकेपेक्षा जास्त सवयीचे शिकार असतात. हे सर्व टाळण्यासाठी सर्वप्रथम तुमच्या भुकेचं गणित तुम्हाला सांभाळायला हवं. रात्रीच्या जेवणात आणि सकाळच्या न्याहारीत योग्य अंतर ठेवा. यासोबतच तुमच्या रात्रीच्या जेवणात कर्बोदकं आणि प्रथिनं यांचं प्रमाण योग्य ठेवा. जेणेकरून तुमच्या शरीरातील कॅलरींची आणि शर्करेची पातळी योग्य राहून मध्यरात्री तुम्हाला भूक लागण्याची शक्यता कमी होण्यास मदत होईल. रात्रपाळी करणाऱ्या व्यक्तींनी सामोसा, वेफर्स यांसारखे तेलकट पदार्थ न खाता गरयुक्त फळं किंवा फळांचा रस सेवन केल्यास शरीराला अन्य कशाचीच आवश्यकता भासणार नाही. तसंच, यामुळे पोटाच्या समस्याही उद्भवणार नाहीत, शिवाय धूम्रपान आणि मद्यपानाची सवय असणाऱ्यांना हा आजार बळावण्याची शक्यता अधिक असते. त्यांनी वेळीच ही सवय आटोक्यात आणणं आवश्यक आहे.

००००

रात्री-अपरात्री भूक लागणाऱ्या व्यक्तींनी तातडीनं डॉक्टरांचा सल्ला घेणं आवश्यक आहे, कारण ही सवय तुमच्या आरोग्याला घातक ठरू शकते. व्यग्र वेळापत्रकात स्वतःच्या आरोग्याकरिता वेळ राखून ठेवणं अत्यंत गरजेचं आहे. तसंच, तुमच्या शरीराला प्रथिनं आणि ऊर्जा पुरवणाऱ्या पदार्थांचा आहारात समावेश करा. पुरेशी झोप घ्या.

-डॉ. जयेश लेले, फिजिशियन

No comments:

Post a Comment

Post Bottom Ad

LightBlog