फ्लॅट ते फोन...सबकुछ ‘रेंटल’ - BEED NEWS | I LOVE BEED

BEED NEWS | I LOVE BEED

BEED NEWS , JOBS NOKARI, HELTH CARE, SELFCARE, LIFESTYLE

Breaking

Home Top Ad

Post Top Ad

LightBlog

Tuesday, December 3, 2019

फ्लॅट ते फोन...सबकुछ ‘रेंटल’



वस्तू भाडेतत्त्वावर वापरण्याकडे तरुणांचा वाढता कल

वन बीएचके फ्लॅट असो वा महागडा स्मार्टफोन, स्वत: विकत घेण्यापेक्षा भाड्यावरच घ्यावा, असा विचार तरुण मंडळी करू लागली आहेत. महानगरांत राहणाऱ्या तरुणांची जीवनशैली ही अशी बदलताना दिसतेय.

मुंबई टाइम्स टीम

लेटेस्ट मोबाइल फोन, टू बीएचके किंवा वन बीएचके घर, घरात महागडं फर्निचर आणि रोजच्या वापरासाठी चारचाकी गाडी...हे सगळं स्वत:च्या कमाईवर विकत घ्यायचं असं तरुणांचं स्वप्न असायचं. पण, आता यात बदल होताना दिसतोय. या सगळ्या गोष्टी आपल्या मालकीच्याच असायला हव्यात असं कुठं आहे? त्यापेक्षा या वस्तू भाड्यानंच घ्यायच्या आणि वापरायच्या असा विचार केला जाऊ लागलाय. महानगरांमध्ये राहणाऱ्या तरुणांची जीवनशैली अशी बदलताना दिसतेय. मालमत्ता वगैरे या गोष्टींमध्ये तरुण मंडळींना अडकायचं नाही. आणि हातात आत्ता पैसा नसेल तरी हरकत नाही. भाड्यावर घेऊन आणि वापरु असा विचार ते करू लागले आहेत. अगदी राहतं घरही विकत घेण्यापेक्षा भाड्यानंच घ्यावं असा विचार अनेक मिलेनिअल्स (२५ ते ३४ या वयोगटातील तरुण-तरुणी) करताना दिसताहेत.

एकोणतीस वर्षांच्या अक्षयकडे स्वतःच्या मालकीचं घर नाही. पण, आज तो सर्व सोयी-सुविधांनी युक्त अशा सुसज्ज फ्लॅटमध्ये राहतोय. घरातलं फर्निचर, स्वयंपाकाची भांडी अगदी सर्व काही त्याच्याकडे आहे. पण, त्यातली कोणतीही वस्तू त्यानं स्वतः विकत आणलेली नाही. रोज ज्या गाडीतून तो फिरतो ती गाडीसुद्धा त्याच्या स्वतःच्या मालकीची नाही. खिशात असलेला महागाडा फोन त्यानं पैसे देऊन विकत घेतलेला नाही. पण, तरीदेखील या सर्व वस्तूंचा उपभोग तो घेतोय. कारण, त्यानं या सर्व गोष्टी त्यानं भाड्यावर घेतल्या आहे. ठरावीक महिन्यांसाठी किंवा वर्षांसाठी त्यानं या वस्तू स्वतःला वापरण्यासाठी भाडे तत्त्वावर घेतल्या आहेत. याबाबत तरुणांचा विचार काय आहे हे सांगताना तो म्हणतो, 'आम्ही सगळ्या गोष्टी भाड्यानं घेतो. कारण, आम्हाला एका ठिकाणी स्थिर व्हायचं नाही. आमच्या स्वप्नांचा किंबहुना आमच्या कामाचा आवाका आम्हाला वाढवायच्या आहे. आम्ही कधी या शहरात, तर कधी त्या शहरात राहू. आपल्याकडे वरिष्ठ मंडळी वस्तू भाड्यावर घेण्यासाठी फार उत्सुक नसतात. परंतु आजची तरुण पिढी भाडे तत्वावर वस्तू घ्यायला जास्त उत्सुक आहे. कारण, हव्या त्या वेळी आपण वापरु शकतो आणि वेळ पडली तर त्या परतही करू शकतो. लगेच पुढच्या कामासाठी दुसऱ्या शहरात राहण्यासाठी जाऊ शकतो.'

सेवेला उत्तम प्रतिसाद

भारतात अनेक बड्या कंपन्या सध्या दैनंदिन जीवनात आवश्यक ठरणाऱ्या वस्तू भाडे तत्त्वावर देण्यासाठी नव्या प्रकल्पांवर काम करताहेत. काही ऑनलाइन बाजारातील कंपन्यांनी भाड्यानं वस्तू देण्याची सेवा सुरू केली आहे. भारतातल्या विविध महानगरांमध्ये त्याला उत्तम प्रतिसाद मिळताना दिसतोय. घरातलं फर्निचर भाडेतत्त्वावर देण्याची बाजारपेठ येत्या पाच वर्षांत १.८९ अब्ज डॉलर्सपर्यंत पोहोचेल असा तज्ज्ञांचा अंदाज आहे.

दर महिन्याला नवा फोन

आजच्या तरुण-तरुणींमध्ये लेटेस्ट, अपडेटेट स्मार्टफोन्सची अधिक क्रेझ आहे. हीच गरज ओळखून अनेक कंपन्यांनी स्मार्टफोन भाड्यावर देण्यास सुरुवात केली आहे. त्यामुळे दर महिन्याला नवा फोन तरुणांच्या हातात खेळताना दिसतो. स्मार्टफोनच्या मूळ किंमतीपेक्षा कमी पैसे खर्च करून तो वापरता येत असल्यामुळे या कल्पनेला अधिक प्रतिसाद मिळताना दिसतोय.

No comments:

Post a Comment

Post Bottom Ad

LightBlog